Wall of Board Games

Trek (2020) Designer – TAM 1-5 Players, 30–60 Min သူငယ်ချင်းတွေစုပြီး ခရီးသွားကြရအောင်လား။ နေရာတွေရွေးပြီး ခရီးသွား Bucket List တော့ လုပ်ပြီးပြီ။ မြန်မာပြည်လာရင် မဖြစ်မနေသွားသင့်တဲ့ ‌ဒေသငါးခုပေါ့။ ဒီ Bucket List ပြည့်ဖို့က သူငယ်ချင်းတွေလူညီဖို့ အရေးကြီးသွားပြီ။ သူငယ်ချင်းတွေ ဘယ်လောက်လူညီသလဲ စမ်းကြည့်လိုက်ကြရအောင်။ ဒီဂိမ်းထဲမှာ ကစားသမားတွေက ခရီးတူတူသွားမယ့် သူငယ်ချင်းတွေ အနေနဲ့ အတူပူး‌ပေါင်းပြီး ကစားရမှာ။ ခက်တာက ကိုယ့်လက်ထဲမှာ ဘာကဒ်တွေဆိုတာကို ကြည့်ခွင့်မရှိတာပဲ။ သူငယ်ချင်းတွေ လက်ထဲ ဘာကဒ်တွေလည်းပဲ ကြည့်ခွင့်ရှိမယ်။ အဲ့တော့ ကိုယ့်လက်ထဲမှာ ဘာကဒ်ရှိလဲဆိုတာကို သူငယ်ချင်းတွေက သဲလွန်စပေးမယ်။ ကိုယ်ကလည်း သူတို့လက်ထဲက ကဒ်ဘာလည်းသိအောင် ပြန်ကူပေးမယ်။ ဒေသတစ်ခုချင်းစီတိုင်းမှာ သွားရမယ့် နေရာငါးခုစီရှိပြီး အစဥ်လိုက်တိုင်း သွားနိုင်မှ (ကဒ်ချနိုင်မှ) အမှတ်တွေရမှာပါ။ မှားချတာ ၃ခါ ရှိပြီဆိုရင် ပွဲပြီးသွားပြီ။ အပြင်မှာလိုပဲ အချင်းချင်းအထာနပ်ပြီး အပေးအယူတည့်မယ်ဆိုမှ အမှတ် ၃၀ အပြည့်နဲ့ အနိုင်ရမှာနော်။ Game mechanics က အဆန်းကြီးမဟုတ်ပေမယ့် Panorama ရှုခင်းလေးနဲ့ ခရီးသွားပုံစံ ပြောင်းပြီးဖန်တီးထားတယ်။ မိတ်ဆွေသူငယ်ချင်းတွေ မိသားစုတွေ ကစားလို့ကောင်းတဲ့ Coorperative Cardgame အမျိုးအစား ဂိမ်းတစ်မျိုးပါ။ BoardGame တွေ ကစားနေကျ မဟုတ်လည်း နားလည်ရလွယ်ပြီး ကစားရတာ ရိုးရှင်းတယ်။ သယ်ဆောင်ရတာလည်း လွယ်ပြီး ကစားချိန် မကြာဘူး (စောစောစီးစီး ရှုံးသွားကြလို့ ပိုမြန်တယ် ဟီး)။ တစ်ယောက်ထဲ Solo ဆော့ချင်လည်းရတယ်။ မြန်မာပြည် အမှတ်တရ/အလွမ်းပြေ လက်ဆောင်ပေးမယ်ဆိုလည်း အဆင်ပြေတယ် (တခါတလေ တော်တော်ရှာရတဲ့ ကိစ္စ)။ မြန်မာ Designer ကိုယ်တိုင် ဖန်တီးပြီး ထုတ်လုပ်မှုကို Local မှာပဲ Quality Product ဖြစ်အောင် ထုတ်လုပ်ထားတဲ့ အတွက်လည်း ထပ်ဆင့်ဂုဏ်ယူပါတယ်။ ဘော်ဒါတွေလူစုံရင် ဘယ်ခရီးသွားမလဲငြင်းရင်း တစ်ပွဲတစ်လမ်း လုပ်လိုက်ရအောင်။ #Trek #Coorperative #CardGame #TabletopGame #SPACE17

Terraforming Mars (2016 Designer - Jacob Fryxelius 1-5 Players, 150 Mins ၂၁၇၄ နောက်ပိုင်းကစပြီး ကမ္ဘာကြီးပေါ်မှာ သယံဇာတရှားပါး မလုံလောက်မှု ပြဿနာများလာခဲ့တယ်။ အဖြေရှာဖို့ လိုလာပြီ။ တစ်‌‌ယောက်ထဲ တစ်နိုင်ငံထဲ လုပ်လို့ မရပဲ ပေါင်းလုပ်မှရတော့မယ်။ နောက်ဆုံး ကမ္ဘာကြီးလုံးပါးပါးနေပြီဆိုတော့ ကမ္ဘာသစ်ရှာဖို့ အထိ လူဦးရေထူထပ် သယံဇာတရှားပါးလာနေပြီ။ (ဒီအတိုင်းဆက်သွားနေရင် သေကုန်တော့မယ်လို့ ပြောတာ) အတိုချုပ်‌ပြောရရင် ၂၃၁၅ခုနှစ်မှာ Mars ဂြိုလ်ဟာ လူသားတွေနေထိုင်ဖို့ အသွင်‌ပြောင်းယူလို့ ရရှိနိုင်တဲ့အတွက် ကမ္ဘာ့ အစိုးရအဖွဲ့ က လုပ်ငန်းစုကြီးများဖွဲ့စည်းကာ Terraforming Mars စီမံကိန်းကြီး စတင်ခဲ့တယ်။ ကျွန်တော်တို့ ကစားသမားတွေက အဲ့ဒီလုပ်ငန်းစုကြီး တစ်ခုစီကို ဦးဆောင်သူတွေ။ အပြိုင်အဆိုင် လူသားတွေ ကောင်းစားဖို့ လုပ်ပေးကြမယ့် သူတွေဆိုပါတော့။ Mars မှာ ရေ၊ လေ(အောက်ဆီဂျင်)၊ အပူချိန် ပမာဏက လူသားတွေအတွက် ကမ္ဘာသစ်ဖြစ်ဖို့ ဆင်သင့်ဖြစ်မနေသေးဘူး။ အဓိက အဲ့ဒီ ၃ ခုကို လိုအပ်တဲ့ အနေအထားရောက်အောင် ဝိုင်းဝန်း ပြုပြင်ယူရင်း စီမံကိန်းသစ်တွေဆောက် Victory Points တွေ ပြိုင်တွေဆုကြမယ်။ ကံထက် Strategy အခြေခံတဲ့ ဂိမ်းလို့ပြောလို့ရတယ်။ ဂိမ်းဖန်တီးသူက တက္ကသိုလ် ကျောင်းဆရာတစ်ဦးလည်းဖြစ်သလို ဓါတုဗေဒပညာရပ်မှာ PhD ရထားသူလည်းဖြစ်တော့ ‌Storyline ဟာ စိတ်ကူးယဉ် အနာဂတ်ဆန်ဆန်ဖြစ်ပေမယ့် မှန်ကန်တဲ့ သိပ္ပံအချက်အလက်များစွာကို ထည့်သွင်း ဖန်တီးထားတယ်။ ဒါ‌ကြောင့် ဗဟုသုတ လည်းရတယ်။Entry Boardgame Player တွေအတွက် #GatewayGame အဆင့်လောက်အထိ မရိုးရှင်းပေမယ့် ဒီဂိမ်းအလုပ်လုပ်ပုံက ထင်ထားသလောက် မရှုပ်ထွေးခဲ့ဘူး။ ကစားလို့ကောင်းတယ်။ မတူညီတဲ့ စီမံကိန်းကတ် နှစ်ရာကျော်ပါတော့ တစ်ပွဲနဲ့တစ်ပွဲ ဘယ်တော့မှမတူဘူး။ ဂိမ်းပြီးတဲ့အထိ ‌‌‌‌အချိန်ကုန်မှန်းမသိအောင် ကျေနပ်မှု အပြည့်ပေးနိုင်တဲ့ ဂိမ်းတစ်ခုဖြစ်တယ်။ ဒါ‌တွေ‌‌ကြောင့် အကြိုက်ဆုံး #StrategyGame တွေထဲ့က တစ်ခုဖြစ်တယ်။ #TerraformingMars #StrategyGame

Splendor (2014) Designer - Marc André 2-4 Players, 30 Mins အထင်ပြောရရင် ဂိမ်းကို ကျောက်မျက်ရတနာကုန်သွယ်ခြင်း အရှိန်အဟုန် ရလာတဲ့ ၁၇ ရာစုခေတ်အနေနဲ့ ဖန်းတီးထားပုံရပါတယ်။ ကစားသမားက ရတနာကုန်သည်တစ်ဦး အနေနဲ့ ပါ၀င်ကစားကမှာဖြစ်တယ်။ ရတနာတွေစုကမယ်။ သက်ဆိုင်ရာ ရတနာတွေပေးပြီး ရတနာတွင်းတွေ (Development cards) ကို ၀ယ်ကမယ်။ ရတနာတွင်း အဆင့်သုံးဆင့် ရှိပြီး ကိုယ်ပိုင်ဆိုင်ထားတဲ့ ရတနာတွင်းတွေက ရတနာတွင်းအကြီးတွေ၀ယ်ဖို့ အထောက်အကူဖြစ်လိမ့်မယ်။ မ၀ယ်နိုင်သေးရင် ဦးထားလို့ (Booking လုပ်ထားလို့) ရတယ်။ တတ်နိုင်ရင် ရတနာတွင်းအကြီးကို တန်း၀ယ်ချင်လည်းရတယ်နော်။ ရတနာတွင်းကြီးတွေက Prestige Points တွေ ပိုများတယ်။ ၁၇ရာစုဆိုတော့ ကြီးမြတ်သူတွေ လာလည်အောင်လုပ်နိုင်ရင်လည်း ဂုဏ်တက်တယ်ဆိုပြီး Prestige Points တွေထပ်ဆောင်းရနိုင်မယ်။ ဒီလိုနဲ့ ကိုယ့် ဂုဏ်သတင်း ကြီးလာအောင် လုပ်ကမယ် (Prestige Points တွေစုမယ်)။ ၁၅ မှတ် နှင့်အထက်ကို အရင်ရအောင်လုပ်နိုင်တဲ့သူက အနိုင်ရမယ်။ #StrategyGame ဂိမ်းအမျိုးအစားတွေထဲမှာ Chess လိုမျိုး #OpenStrategyGame ပါ။ ဆိုလိုချင်တာက တစ်ဦးချင်းစီရဲ့ ပိုင်ဆိုင်တဲ့ သယံဇာတတွေကို သူသူကိုယ်ကိုယ် မြင်နေကမယ်။ အသစ်၀ယ်လို့ ရမယ့် Development Card တွေအားလုံးကိုလည်း ကိုယ့်အလှည့်မှာ တတ်နိုင်ရင်၀ယ်ဖို့ တန်းတူအခွင့်အရေးရှိတယ်။ Strategy စဥ်းစားပြီး ကိုယ့်အတွက် အားအသာဆုံး ဖြစ်တဲ့အကွက်ကို ရွေးချယ်လုပ်ကမယ်။ လိုအပ်မယ်ထင်ရင် ပြိုင်ဘက်ရဲ့ အားသာသွားမယ်ထင်တဲ့ အကွက်ကို ကြိုပိတ်လို့ ရတယ်။ (ဂျင်းထည့်လို့ရတယ်)။ ငယ်စဉ် ကတည်းက Chess ကစားလာတဲ့ Marc André ဖန်တီးထားတဲ့ ဒီဂိမ်းဟာ CardGame တစ်မျိုးဖြစ်ပြီး Chess ရဲ့ အငွေ့ အသက် အချို့ ပါ၀င်သလို ဆုပေါင်းများစွာလည်း ရခဲ့ပါတယ်။ဘာလို့ ကြိုက်လည်းဆိုရင် ရှင်းပြရတာကော Setup လုပ်ရတာကော လွယ်ကူရိုးရှင်းသလောက် #StrategyGame ကစားကတဲ့ ရသကောင်းကောင်းပေးနိုင်တယ်။ ကစားချိန် အရမ်းမကြာဘဲ နားလည်ရလွယ်တယ်။ ပြိုင်ဘက်တွေတွေ ပိတ်လို့ရတယ်။ ဂိမ်းပစ္စည်းတွေရဲ့ အရည်အသွေးကောင်းပြီး Cards တွေရယ် Chips တွေရယ်ပဲပါတယ်။ ခရီးသွားလို့ထည့်သွားချင်ရင် Cards တွေကို ဘူးတစ်ခုထဲထည့် Chips တွေက မပျောက်နိုင်တဲ့ နေရာထည့်ပြီး ယူသွားရအဆင်ပြေတယ်။ ကျွန်တော် အများဆုံးကစားဖြစ်တဲ့ ဂိမ်းတွေထဲက တစ်ခုဖြစ်တယ်။ #Splendor #StrategyGame